Самар ауданының жеке мұрағаты болады. 

Аудан тұрғындарына енді жүз шақырымдай жерде орналасқан Көкпекті ауылының мұрағатына барудың қажеті жоқ, деп хабарлайды Altaynews.kz тілшісі.
Бұған дейін Самар мен Көкпекті ауылдары бір әкімшілік бірліктің – Көкпекті ауданының құрамында болған. Осыған байланысты Самар ауылында өзінің мұрағаты жоқ және тұрғындар құжаттарды тапсыру немесе табу үшін жүз шақырым жүріп, Көкпектіге баруға мәжбүр. 
Аудандар бөлінгеннен кейін жағдай өзекті бола бастады. Жергілікті тұрғындар бұл мәселені ШҚО әкімі Ермек Көшербаевтың халықпен кездесуі барысында көтерді.
Бұл мәселе шешілетін болды. Мұрағат әкімдік ғимаратында орналастырылады, ол ғимаратта жақын арада жөндеу жұмыстары жүргізілмек. Осы мақсаттарға 100 млн теңгеден астам қаражат бөлінеді.