ШҚО денешынықтыру және спорт басқармасы ақпан айына жоспарланған спорттық іс-шаралар тізімін жариялады.

Бұл тізімге жетінші ақпанға дейін өткен жарыстар енбеген. Сондай-ақ аталмыш іс-шараның барлығы Шығыс Қазақстанда өтеді, деп хабарлайды Altainews.kz тілшісі.

4-12 ақпан – биатлоннан Қазақстан Республикасының жасөспірімдер чемпионаты, Риддер қаласы;

5-8 ақпан – жеңіл атлетикадан жабық кешендегі Қазақстан Республикасының чемпионаты (СУРДО), Өскемен, Ольга Рыпакова атындағы Жеңіл атлетика манежі;

5-9 ақпан – су добынан 2009 жылы туған және одан кіші жасөспірімдер арасындағы ҚР чемпионатының үшінші туры, Өскемен, Орталық бассейн;

5-8 ақпан – мәнерлеп сырғанаудан ҚР кубогының бірінші кезеңі, Өскемен, Б.Александров атындағы Спорт сарайы;

5-9 ақпан – мәнерлеп сырғанаудан «Ақпан жұлдызы» республикалық турнирі, Өскемен, Б.Александров атындағы Спорт сарайы;

7-12 ақпан – ушу таолудан ҚР кубогы, Өскемен, Қажымұқан атындағы Жекпе-жек сарайы;

8-12 ақпан – құсбегіліктен ҚР XVII чемпионаты, Ұлан ауданы, Бозанбай ауылы, ашылуы 9 ақпанда;

19-24 ақпан – көркем гимнастикадан жастар арасындағы ҚР чемпионаты, Өскемен, Денешынықтыру-сауықтыру кешені, Шәкәрім даңғылы, 1/2, ашылуы 21 ақпан, сағат 10.00-де;

19-25 ақпан – гандболдан қыздар командалары арасындағы ҚР XXXII чемпионаты, Суперлига, Өскемен, Қажымұқан атындағы Жекпе-жек сарайы, ашылуы 20 ақпан, сағат 11.00-де;

22-24 ақпан – жеңіл атлетикадан 2005-2006 жылдары туған жасөспірімдер арасындағы жабық кешендегі ҚР чемпионаты, Өскемен, Ольга Рыпакова атындағы Жеңіл атлетика манежі;

22-24 ақпан – жеңіл атлетикадан 2009-2010 жылдары туған ұлдар мен қыздар арасындағы жабық кешендегі ҚР чемпионаты, Өскемен, Ольга Рыпакова атындағы Жеңіл атлетика манежі.

Сурет ШҚО денешынықтыру және спорт басқармасы сайтынан алынды