Өңірлік коммуникациялар қызметінің алаңында ШҚО ТЖД құтқарушыларының қатысуымен брифинг өтті. ТЖ қызметінің өкілдері көктемгі мұзға шығу қаншалықты қауіпті екенін айтып, мұз үстінде балық аулау кезінде қауіпсіздік ережелерін сақтау ережелерін айтты, деп хабарлайды Altainews.kz тілшісі.

Құтқарушылар мұз астына түскен адамға қалай көмек көрсету қажеттігін түсіндірді. Оған жақындауға болмайтынын есте ұстаған жөн. Қолыңызда ұзын таяқ немесе арқан болса жақсы, оларды көмек көрсету үшін қолдану керек. Егер ештеңе болмаса, қолда бар құралдарды – белбеу, шарф, куртканы пайдалану керек.

Бірақ көмек көрсету үшін қосалқы заттар жоқ жағдайлар болуы мүмкін. Бұл жағдайда бірнеше адам мұзға жатып, бір-бірін аяғынан ұстап, зардап шегушіге қарай тізбектей қозғалады.

ШҚО Апаттар медицинасы орталығы филиалының дәрігерлері суық судан шығарылған адамға алғашқы көмекті қалай көрсету керектігін айтып берді.  

Брифинг соңында спикерлер азаматтарды қауіпсіздік ережелерін сақтауға шақырды. Атап айтсақ, жұқа мұзға шықпаңыз, әсіресе қараңғы уақытта; көлік құралдарымен мұзға шықпаңыз; мұзда от жағуға болмайды.

Төтенше жағдай кезінде 112 нөмірі бойынша хабарлау қажет.