Наурызнама онкүндігіне орай елімізде көптеген іс-шаралар легі өтіп жатыр. Қазақстан халқы 17 наурызда «Шаңырақ» күнін қарсы алып, бірқатар салт-дәстүрді жастарға дәріптеді.  
Шығыс Қазақстан облыстық балалар мен жасөспірімдер кітапханасы «Кітапханадағы Қымызханада» оқырман қауыммен кездесу өткізіп, «Өзбекәлі және мәдени майдан» кітабының таныстырылымын жасады, деп хабарлайды Altainews.kz тілшісі.

Сондай-ақ «Шаңырақ» күніне орай «Алтын шаңырақ» иелері, ұлағатты ұстаздар Бидельмановтар отбасы тәрбие, тәлім туралы өнегелі әңгіме айтып, жастарға батасын берді. Оқырмандар да өз өлеңдерін оқып, қазақ мәдениеті мен танымы туралы ойларын ортаға салды. Мейрамның маңыздылығы, этнографиядағы, тарихтағы, мәдениеттегі жауһарлары туралы ой бөліскен шара қонақтары тың ақпараттармен де қанығып қайтты.

Фото: ШҚО балалар мен жасөспірімдер кітапханасы