Жеңіс күніне орай ардагерлер 1,5 млн теңгеден алады
Фото: gov.kz
Шығыс Қазақстан облысында 2024 жылға ардагерлерді қолдау жөніндегі облыстық кешенді жоспар бекітілген.
Бұл туралы бүгін облыс әкімдігінің отырысында айтылды, деп хабарлайды Altainews.kz тілшісі.
Жеңіс күнін мерекелеуге орай биыл 5 мыңнан астам ардагерге біржолғы төлемдер беру көзделген екен. Төлемдер 9 мамырға дейін жүргізіледі.
Облыста зейнеткерлік жасқа толған адамдар мен ардагерлер саны – 136 мыңнан асады, ал Ұлы Отан соғысына қатысқан және оларға теңестірілген ардагерлер – 5386.
- Мереке қарсаңында 14 ҰОС қатысушысы мен мүгедектеріне - 1,5 млн теңгеден, 362 ҰОС ардагерлеріне теңестірілген азаматтарға - 100 мың теңгеден, 5010 наградталмаған тыл еңбеккерлеріне - 50 мың теңгеден төлем қарастырылды, - деді жұмыспен қамту және әлеуметтік бағдарламаларды үйлестіру басқармасының басшысы Альмира Мусинова.
Оқи отырыңыз
