ҚР Қарулы Күштерінің жауынгерлік дайындық жоспарына  сәйкес  2-13 қыркүйек аралығында Жамбыл облысының "Мәтібұлақ" оқу полигоны базасында "Айбалта-2024" жедел-тактикалық командалық-штабтық оқу-жаттығуын өткізу жоспарлануда, деп хабарлайды Altainews.kz сайты.

Жауынгерлік даярлық іс-шаралары Абай, Алматы, Жамбыл, Шығыс Қазақстан облыстары мен Жетісу облысының аумағында әскери күштердің және әскери техниканың қозғалысымен жүзеге асырылады.

Осыған байланысты жеке құрам жауынгерлік техникамен марш жасау арқылы және теміржол көлігімен Өскемен гарнизонынан Мәтібұлақ полигонына жеткізіледі. 

Әскери техника 26 тамыз күні Ахмер кентінен Глубокое ауданындағы теміржол көлігіне дейін және 15 қыркүйек күні Өскемен гарнизонына қайта жеткізіледі.