Әділетті қоғам құру – бұл мемлекеттің тұрақтылығы мен дамуының маңызды шарты. Әділетті қоғамда әрбір азаматтың құқықтары мен бостандықтары сақталады, ал заң алдында бәрі тең.

Мұндай қоғамның негізі мықты, жан-жақты ойластырылған және уақыт талабына сай жаңартылған Конституция болмақ. Жаңғырған Конституция – бұл тек құқықтық құжат емес, ол елдің болашағын анықтайтын стратегиялық бағыт, әділетті қоғам құрудың сенімді кепілі.

Қазақстан Республикасының Ата Заңы 1995 жылы 30 тамыз күні жалпыхалықтық референдум негізінде қабылданды және 5 қыркүйек күні өз күшіне енді.

Конституциямыз 9 тараудан, 98 баптан тұрады.Атап айтсақ «Жалпы ережелер»,  «Адам және азамат»,  «Президент», «Парламент», «Үкімет», «Конституциялық кеңес», «Соттар және сот төрелігі», «Жергілікті мемлекеттік басқару және өзін-өзі басқару»,  «Қорытынды және өтпелі ережелер» тараулары бар. 

Конституция – мемлекеттік құрылыстың құқықтық негізін қалыптастырушы құжат. Ол мемлекеттілік тетік, қоғамдық, саяси институттар ретінде қызметтің негізі боларлық принциптерін орнықтырды, адам мен азаматтың конституциялық мәртебесін белгіледі, экономикалық құрылыстың негіздерін айқындады.

Бұл – тәуелсіз Қазақстанның екінші конституциясы. Алдыңғы конституция 1993 жылы 28 қаңтарда қабылданған болатын.

Конституция – мемлекеттің негізгі заңы, жоғарғы заңнамалық күші бар ерекше нормативтік құқықтық акт. Конституция мемлекеттің саяси-құқықтық және экономикалық жүйелерінің негіздерін анықтайды.

Бүгінгі таңда Қазақстан Республикасының Конституциясы – демократиялық институттарды жаңғыру, нығайту, азаматтардың әл-ауқатын арттыру және дамыған елдер қатарына ену жолында қоғамды шоғырландырудың қуатты факторы.

 А. Белгібаева,

Өскемен қаласы мамандандырылған тергеу соты әкімшісінің бас маманы