Риддер қаласындағы «Эдельвейс» тау шаңғысы демалыс базасының аумағында қыс мезгілінің аяқталуына орай Аяз Ата мен Ақшақар өз резиденциясына аттанды. Мерекелік шара ертегі әлемінен шыққан кейіпкерлердің қатысуымен ұйымдастырылып, қонақтарға ұмытылмас эмоциялар мен қуанышты сәттер сыйлады, деп хабарлайды Altainews.kz тілшісі.

Тау шаңғысы трассасы бойымен эльфтер, Аяз Ата, Ақшақар және басқа да ертегі кейіпкерлері шаңғымен сырғанап түсті. Бұл әсерлі көрініс жиналған қауымның көңілін көтеріп, әрбір қатысушыға өзін қысқы ертегінің ішінде жүргендей сезінуге мүмкіндік берді. Көңілді әрі ерекше шара тау шаңғысы трассасының етегінде ұйымдастырылған мерекелік флешмобпен жалғасты.

Бұл іс-шара тек қыс мезгілімен қоштасу ғана емес, сонымен қатар сиқырлы сәттер мен жарқын естеліктер қалдырған қуанышты мереке болды. Келушілер ерекше эмоцияларымен бөлісіп, демалып қайтты.

Фото: Нелли Петенева

Видео: Ермек Жиенбеков