Шемонаиха тарихи-өлкетану музейінде осымен 31 рет «Гребенщиков оқулары» өтті. Оған Мәскеуден, Мәскеу маңынан, Дзержинск қаласынан жазушының немересі Людмила Гребенщикова, шөбересі Николай Шмитько, шөпшегі Георгий Гребенщиков және шөбере жиені Александр Шрамко арнайы келді, деп хабарлайды Altainews.kz тілшісі.

Жазушының қазақтар туралы жазған шығармаларын қазақ тіліне аударып, тұңғыш рет «Батырбектің хандығы» деген атпен кітап етіп жарыққа шығарған, осы жиынға арнайы шақырылған жерлес жазушы, журналист Айтмұхамбет Қасымов былай дейді:

Сонау Америкада жатып Г. Гребенщиков өзінің жерлестерінің, қазақтың ауыр ахуалын, жағдайын бір сәт те есінен шығармаған. Даланың тағдыры, оның күрмеуі қиын мәселелеріне үнемі үн қосып отырды. Құрама Штаттардан, 1933 жылы ол қазақтар туралы тоқсан ауыз сөзінің тобықтай түйінін, қара сөзбен жазылған өлең түрінде қағаз бетіне былайша түсіреді:

Айтмұхамбет Қасымов сол себепті ол кісінің шығармашылығы біз үшін өте құнды екенін айтады.

Сонымен қатар ауданның, облыстың ақын-жазушыларының өкілдері, әдебиет сүйер қауымы қатысқан тағлымы мол жиында облыстық тарихи-өлкетану музейінің аға ғылыми қызметкері О.М. Тарлыкова баяндама жасап, жазушының соңғы мекені болған Америкадағы Чураевкаға екі мәрте барып келген А.С. Шрамко естеліктерімен бөлісті. Басқа да сөз алғандар Гребенщиковтың өмірі мен шығармашылығының қиын да қызықты қырларына тоқталып, Выдриха орта мектебінің оқушылары жазушы шығармаларынан қойылымдар қойып, жиынның мәнін әрлеп отырды.

 Суреттерде: Жазушының немересі Л.Гребенщикова, шөбересі Н.Шмитько, шөпшегі Г.Гребенщиков, шөбере жиені А.Шрамко.