Ұлы даланың - ұлы тұлғалары
Ақерке Рағызбаева
Өскемен қаласындағы №30 мектептің 8-9-шы сынып оқушылары арасында республика күніне орай "Ұлы даланың - ұлы тұлғалары" атты ғылыми-практикалық конференция өтті, деп хабарлайды Altainews.kz тілшісі.
Бұл іс-шара патриоттық сананы дамытуға және Қазақстанның тарихи мұрасын жасөспірімдер арасында насихаттауға, сондай-ақ оларды ғылыми-зерттеу қызметіне тартуға бағытталған.
Қатысушылар арасында ұлы далада туылған ұлы билеушілер, соғыс батырлары, ұлы даланың ақындары мен ғалымдары сынды тарихи тұлғалардың өмірі туралы баяндамалар жасалды.
Әрбір қатысушының еңбегі бағаланып, олар арнайы сертификаттармен марапатталды. Мұндай іс-шаралар жас ұрпақты патриотизм рухында тәрбиелеуде, өткенді құрметтеуге және ата-бабаларының дәстүрлерін жалғастыруда маңызды рөл атқарады. Конференция оқушылардың ақпараттық-тарихи мәдениетін арттыру жолындағы қажетті қадам болды.