2013 жылдың қазан айында Бішкекте өткен Дүниежүзілік Барыстарды қорғау халықаралық форумы жаңа мерекенің, яғни сол уақыттан бері жыл сайын 23 қазанда атап өтілетін Халықаралық барыс күнінің бастауы болды, деп хабарлайды Altainews.kz тілшісі.

Шығыс Қазақстан облысында 2009 жылы «Snow Leopard Fund» Барыс қорын тіркеген Олег пен Ирина Логиновтар барысты қорғау қозғалысын құрудың бастауында болды. Олар қар барыс туралы бірнеше кітап шығарды.

Олег Логинов «Қазақстандағы барысты сақтау стратегиясының» бастамашысы және авторы.

Сонымен қатар, ол халықаралық декларация қабылданып, жыл сайын 23 қазанда атап өтілетін Халықаралық барыс күні бекітілген, 2013 жылы Бішкек қаласында өткен Дүниежүзілік қар барысы форумына Қазақстанның өкілі ретінде қатысқандығын атап өткен жөн.