Өрт сөндірушілер 15 тұрғынды эвакуациялады – ШҚО
Облыс орталығында тоғыз қабатты тұрғын үйлердің бірінде өрт болды, деп хабарлайды Altainews.kz тілшісі.
Төтенше жағдайлар департаменті баспасөз қызметінің ақпараты бойынша, оқиға Назарбаев даңғылындағы 9 қабатты тұрғын үйдің 2-қабатындағы пәтерде болған.
Дер кезінде келген өрт сөндірушілер түтінденген аймақтан 15 тұрғынды эвакуациялады, оның ішінде 5 бала бар.
«Пәтерде жиһаз бен жеке заттар жанып кеткен. Құтқарушылар ауданы 10 шаршы метр жердегі өртті ауыздықтады», - деп хабарлады ШҚО Төтенше жағдайлар департаментінің баспасөз қызметі.
Оқи отырыңыз
