Сыбыс пен жалған ақпар жоққа шықты: Риддерде жылу беруде ақау бар деген - фейк!
«Шығыс Жылу» АҚ Риддер қаласындағы филиалы директорының міндетін атқарушы Асхат Бұқатов жергілікті жылу орталығында ақау болғаны туралы ақпарат шындыққа жанаспайтынын хабарлады.
Оның айтуынша, Риддер ЖЭО штаттық режимде жұмыс істеп тұр және қазіргі уақытта ешқандай жағдай тіркелген жоқ.
- Станция тұрақты жұмыс істейді. Штаттық режимде үш орташа және бір жоғары қысымды қазандық жұмыс істейді. Біреуі резервте тұр. Жылу мен ыстық су кестеге сәйкес берілуде. Нысанда ешқандай ақаулық орын алған жоқ, - деп атап өтті Асхат Бұқатов.
Оның сөзін Қоғамдық кеңестің төрағасы Сергей Ямщиков да растады.
- Бүгін біз әкімдік басшылығымен бірге «Шығыс Жылу» кәсіпорнында болдық. Жұмысшылармен сөйлесіп, жабдықтарды қарап шықтық. Бәрі жұмыс үстінде, ешқандай олқылықтар жоқ, - деп атап өтті қоғам қайраткері.
Жылу орталығының өкілдері азаматтарды тексерілген ақпаратқа ғана сенуге және ресми дереккөздерден расталған түсініктеме алуға шақырды.
Оқи отырыңыз
