Өскеменде алғаш рет креативті индустрияға арналған «Shygys Creative Hub» форумы өтті. Бұл шара жүздеген креаторға пайдалы білім алу, тәжірибе алмасу және өз өнімдерін Шығыс Қазақстан жұртшылығына ұсыну мүмкіндігін берді, деп хабарлайды Altainews.kz тілшісі.

Қолөнер шеберлері, бизнес өкілдері мен өнер жұлдыздарын тоғыстырған форум жоғары деңгейде ұйымдастырылды. Әр салада жетістікке жеткен кәсіпкерлер өз тәжірибелерімен бөлісіп, жаңа бастағандарға бағыт-бағдар көрсетті.

Өңірдің шығармашыл тұлғаларын біріктірген форумға облыс әкімінің орынбасары Ербол Нұрғалиев қатысып, креативті кәсіпкерлерге сәттілік тіледі.

Форумда әншілер, бишілер, дизайнерлер, суретшілер, ақын-жазушылар, актерлер, стендап әзілкештері мен блогерлер сөз сөйлеп, өз тәжірибелерімен бөлісті. Олар креативті индустрияны дамыту жолдары, мемлекет тарапынан көрсетілетін қолдаулар туралы айтып, өз жетістіктерімен бөлісті.

Фото, видео: Жәнібек Ырысбай