Қаржы министрінің 2024 жылғы 27 ақпандағы бұйрығымен Кадельдік бақылауды жүргізу қағидаларына тиісті өзгерістер енгізілді, деп хабарлайды Altainews.kz тілшісі Zakon.kz. сайтына сілтеме жасап.

Мемлекеттік сатып алу рәсімдерін бақылау үшін Тәуекел профильдерінің тізіміне келесі мазмұндағы жаңа профиль қосылды:

ҚР ратификациялаған халықаралық шарттарда көзделген жағдайларда шет мемлекеттерден шығарылатын тауарларды, жұмыстарды, көрсетілетін қызметтерді тиісінше шетелдік әлеуетті өнім берушілер орындайтын және көрсететін мемлекеттік сатып алу кезінде ұлттық режимді заңсыз қолдану немесе қолданбау.

Көрсетілген бейіні бойынша деректерді іріктеу шарты ҚР Үкіметі бекітетін ұлттық режимнен босатуға жататын шет мемлекеттерден шығарылатын тауарлардың тізбесіне сәйкес ұлттық режимнен босатуды пайдалана отырып, мемлекеттік сатып алуды жүзеге асыру болады. Заңның 14-бабын және ҚР Үкіметінің 2015 жылғы 31 желтоқсандағы «Мемлекеттік сатып алудағы ұлттық режимнен ерекшеліктер белгілеу қағидаларын бекіту туралы» қаулысын бұзады.

Бұл нормалар Қазақстан үкіметінің конституциялық құрылыстың негіздерін қорғау, елдің қорғанысы мен мемлекеттің қауіпсіздігін қамтамасыз ету, ішкі нарықты қорғау, ұлттық экономиканы дамыту мақсатында жүзеге асыруын білдіреді. Отандық тауар өндірушілерді қолдау екі жылдан аспайтын мерзімге ұлттық режимнен босатуды белгілеуге құқылы.

Егер кабинеттік бақылау кезінде мемлекеттік сатып алушылардың отандық тауарлардың орнына ұлттық режимнен босату тізбесіне енгізілген импорттық тауарларды сатып алғаны анықталса, онда мемлекеттік сатып алудың қорытындысы шарт жасалғанға дейін жойылады.

Бұйрық 2024 жылғы 12 наурыздан бастап күшіне енеді.

                                                                      Айжанат Бақытқызы