Бүгін WorldSkills чемпионатының аймақтық кезеңдері басталады. Өңірлік кезең еліміздің барлық 20 аймағында өтеді, деп хабарлайды Altainews.kz тілшісі.

Бұл туралы Оқу-ағарту министрлігі Telegram-да жазды. Эстафетаны бірінші болып Павлодар облысының колледж студенттері бастайды.

Өңірлік чемпионаттың нәтижелері осы жылдың мамыр айында белгілі болады. Жеңімпаздар биыл қараша айына жоспарланған «WorldSkills Kazakhstan 2024» Ұлттық чемпионатына қатысады.

Бірінші және екінші орын жүлдегерлері дайындықтың келесі кезеңіне жолдама алып, үш ай бойы оқу-жаттығу лагерлерінде өз дағдыларын жетілдіреді. Кезең жеңімпазы ұлттық құраманың сапында, Данияда өтетін EuroSkills 2025 Еуропа чемпионатына еліміздің намысын қорғауға аттанады.