Дубайда толассыз жаңбыр жауып, қаланы су басты, деп хабарлайды Altainews.kz сайты El.kz ақпарат агенттігіне сілтеме жасап.

Қалада жолдарды су басып, жол қозғалысы тоқтап қалған. Метро стансалары мен ең ірі сауда орталығы – Dubai Mall-тың жертөлесі су астында қалды.

Қала басшылығы тұрғындарды үйде болуға шақыруда. Білім беру мекемелері оқу режимін қашықтан оқытуға ауыстырды.

Мемлекеттік қызметкерлерге қашықтан жұмыс істеу ұсынылады. Әуежайда бірқатар рейстер тоқтатылды. Футбол матчтары басқа күндерге ауыстырылды.

Сондай-ақ Дубай қаласында нөсерлі жауын салдарынан әуеайлақты су басуына байланысты Дубай-Астана және Дубай-Алматы рейстері 16 сәуірден 17 сәуірге ауыстырылады.