Қазақстанда тұрмыстық зорлық-зомбылық құрбандары 30 күндік еңбек демалысына шыға алады. Еңбек кодексіне тиісті түзетулер енгізілді, деп хабарлайды Altainews.kz тілшісі Informburo.kz порталына сілтеме жасап.

«Жұмыс беруші қызметкерге тұрмыстық зорлық-зомбылықтан зардап шеккендерге арнаулы әлеуметтік қызмет көрсететін ұйымдарда болған уақытында жалақысы сақталмайтын, бірақ күнтізбелік 30 күннен аспайтын демалыс беруге міндетті», – деп жазылған құжатта.

Жалақысы сақталмайтын демалыс қызметкерге оның ұзақтығы көрсетілген жазбаша хабарлама және арнаулы әлеуметтік қызметтер көрсету туралы шарттың көшірмесін ұсыну негізінде беріледі.

Түзету 2024 жылдың 16 маусымында күшіне енеді.