Шығыс Қазақстан облысы әкімінің сыйлығына журналистер арасында байқау жарияланды, деп хабарлайды Altainews.kz сайты.

«Журналистиканы дамытуға қосқан үлесі үшін» сыйлығына өтінім беру ережесін ұсынамыз.

1. Жалпы ережелер

• Шығыс Қазақстан облысы әкімінің сыйлығына журналистер арасындағы байқау Шығыс Қазақстан облысының әлеуметтік-экономикалық және дамуының өзге де өзекті мәселелерін жариялайтын өңірлік және республикалық БАҚ-та жұмыс істейтін журналистер, 10 000-нан кем емес жазылушылары бар (достары) блогерлер/қоғамдастықтар әкімгерлері арасында өткізіледі. Байқаудың ұйымдастырушысы – Шығыс Қазақстан облысының қоғамдық даму басқармасы болып табылады.
• Шығыс Қазақстан облысы әкімінің сыйлығына журналистер арасындағы байқау Шығыс Қазақстан облысының дамуына және тыныс-тіршілігіне ақпараттық қолдау көрсетуге бағытталған облыстық ауқымдағы іс-шара болып саналады.
• Байқауға қатысу үшін қатысушылар, байқауға қатысуға арналған сауалнама нысанын (Қосымша 1) толтырып, сауалнамада нақты номинациясын көрсетуі және жарияланымдарын ұсынуы қажет.

2. Байқауды ұйымдастыру тәртібі

• Байқауды өткізу туралы хабарландыру бұқаралық ақпарат құралдарында жарияланады, қоғамдық даму басқармасының веб-сайттында орналастырылады.
• Барлық номинациялар бойынша байқауға қатысуға қажет материалдар қағаз немесе электронды түрде 2024 жылғы 20 маусымға дейін:

• қағаз түрінде – ШҚО, Өскемен қаласы, М.Горький көшесі, 40, (Шығыс Қазақстан облысы әкімі аппаратының ғимараты) 2-қабат, 237 кабинетке;
• электоронды түрде «Байқауға» деген белгімен 264707@mail.ru  электронды мекенжайына немесе 87758333083 телефон нөмірінен анықтауға болады.
  • Байқау келесі номинациялар бойынша өткізіледі:

1. «Әділетті Қазақстанның экономикалық бағдары» (ҚР Президенті Жолдауының ШҚО іске асырылу барысын жария ету);
2. «Халық үніне құлақ асатын мемлекет. Адал қоғам» (өңірді дамыту мәселелері бойынша билік пен азаматтық қоғам диалогын жария ету, сыбайлас жемқорлыққа қарсы мәдениетті қалыптастыруға бағытталған материалдар);
3. «Қуатты өңірлер – ел дамуының драйвері» (облыстың индустриялық-инфрақұрылымдық дамуы жобаларының, тұрғын үй және әлеуметтік нысандар құрылысының іске асырылуын жария ету, ауыл шаруашылығын дамыту мәселелері бойынша жарияланымдар);
4. «Білімді және Дені сау ұлт» (облыстың орта/кәсіби/жоғары білім саласының дамуы туралы материалдар, денсаулық сақтау саласының қызметі, салауатты өмір салтын, спортпен шұғылдануды дәріптеу);
5. «Еңбек адамы» (патерналистік және масылдық көңіл-күйді азайту, қоғамда жұмысшы мамандықтарына және ерекше қажеттіліктері бар адамдарға құрметпен қарауды қалыптастыруға бағытталған шараларды түсіндіру);
6. «Шырайлы Шығыс» (әлеуметтік желідегі ШҚО туралы үздік бейнематериалдар);
7. «Объективтегі өмір» - «Үздік мобилограф» (Әлеуметтік желілердегі (Facebook, Instagram және TikTok) танымал топтар мен пабликтер, мобилографтарға арналған номинациялар).
8. «Үздік баспасөз хатшысы («қоғаммен байланыс мамандары») – Шығыс Қазақстан аумағындағы мемлекеттік мекеменің баспасөз хатшысы.
   • Сыйлық лауреаттарын байқау комиссиясы анықтайды (бұдан әрі – Комиссия). Қандай да бір нақты номинациялар бойынша лайықты жеңімпаздар анықталмаған жағдайда, Комиссия қаржыны басқа номинацияларға бөлуге немесе ынталандыру сыйлықтарына жұмсауға құқылы.
   • Соңғы 3 жыл ішінде облыс әкімінің сыйлығына ие болған журналистердің жұмыстары қарастырылмайды.
   • Өтінімдерді қабылдау аяқталған соң, материалдар қарау және бағалау үшін байқау комиссия мүшелеріне беріледі.
   • Комиссия шешімі қатысушы комиссия мүшелері санының көпшілік даусымен ашық дауыс беру арқылы қабылданады.
   • Комиссия отырысы оның мүшелерінің 2/3 бөлігі отырысқа қатысқан жағдайда ғана заңды болып табылады.
   • Комиссияның шешімі хаттама арқылы рәсімделеді.
   • Комиссия мүшелері облыс әкіміне грамоталар және алғыс хаттармен марапаттауға лайықты үміткерлер туралы ұсыныстар енгізеді.
   • Сыйлықтарды Шығыс Қазақстан облысының әкімі немесе облыс әкімінің орынбасары табыстайды. Сыйлықтар тиісті дипломмен бірге беріледі.

3. Байқау материалдарын бағалау және іріктеу рәсімдері

• Байқау жеңімпаздарын ұсынылған материалдар негізінде Комиссия келесі талаптар бойынша анықтайды:
• белгіленген тақырыпқа сәйкестік;
• жаңашылдық;
• көтерілген мәселелердің өзектілігі және шығармашылық талдануының тереңдігі;
• мазмұндау стилі мен тілі, техникалық сапасы;
• авторлық тұжырымдаманың дербестігі;
• жарияланымда немесе дыбыстық-визуалдық жұмыста мазмұндалған ақпараттың нақтылығы мен шынайылығы;
• журналистиканың этикалық принциптеріне сәйкестігі;
• материалдардың объективтілігі;
• кәсібилік және мазмұндау шеберлігі;
• мәселенің қойылуы және оның жан-жақты ашып көрсетілуі;
• жұмыстардың шығармашылық толымдығы;
• сыртқы безендірілуі.

4. Өтінімдерді беру тәртібі

• Облыс әкімінің сыйлығына үміткерлердің кандидатураларын бұқаралық ақпарат құралдарының редакциялары ұсынады немесе өз бетімен ұсынылады.
• Ұжымдық номинациялар бойынша БАҚ-тың уәкілетті органда есепке алынғандығы туралы куәлік нөмірін көрсету арқылы, бұқаралық ақпарат құралының меншік иесі өтінім береді.
• Бір үміткер екі не одан көп номинацияға ұсынылмайды.
• Конкурсқа 2024 жылғы 1 қаңтардан 20 маусымға дейінгі аралықта қазақ және/немесе орыс тілінде шыққан немесе жарияланған материалдар қабылданады.
• Конкурска жіберілген материалдар келесі форматта болуы мүмкін:

• видеоматериалдар;
• мәтіндік жарияланымдар;
• фотосуреттер.

1 қосымша 

*форумға арналған презентациялық материалдарда пайдалану үшін жақсы сапада түсірілген фотосурет.