Өскемен қаласындағы ана мен бала орталығының эпилепсиямен ауыратын үш кішкентай пациентіне республикалық клиникалардың жетекші хирургтары мастер-класс шеңберінде ота жасады.
Әлемде алты айлық балаға нейростимулятор орнату тәжірибесі белгілі, ал Шығыс Қазақстанда мұндай құрал елімізде алғаш рет 10 айлық бөбекке орнатылды, деп хабарлайды Altainews.kz тілшісі.
Статистикаға сүйенсек, Шығыс Қазақстанда эпилепсия диагнозымен 800 бала есепте тұр. Олардың 150-ін дәрілік терапиямен емдеуге келмейді.
-Вагус нервісінің стимуляторын орнату-бұл паллиативті эпилепсияны дәрі-дәрмектермен емдеуге келмейтін жағдайда қолданылатын қосымша емдеу әдісі. Процедура ересектерге де, балаларға да жасалады. Мастер-класс аясында біз тағайындалған терапия нәтиже бермеген үш баланы, генетикалық мутациясы бар бір баланы таңдап алдық, олар дәрі-дәрмекпен емделмейді. Нейростимуляторды орнату ұстамаларды толығымен жоймайды, бірақ уақыт өте келе ұстамалардың саны мен жиілігін айтарлықтай төмендетеді, — деп түсіндірді балалар невропатолог-эпилептологы, Алматы қаласы клиникасының басшысы Яна Акчурина .
Бұл әдіс Қазақстанда сәтті қолданылуда, оның мәні-мойында білініп тұрған вагус нервісіне спираль тағылады, ол бұғанағына енгізілген импульс генераторына қосылады. Импульстар стимуляторға түскен кезде жүйке арқылы миға өтіп, эпилепсия ұстамаларын басады. Бұл дамып келе жатқан нәресте миының одан әрі бұзылмауы үшін өте маңызды.
-Бізде ҚР балалар нейрохирургиялық қызметін дамыту бағдарламасы қабылданған, оның бастауында Алматы қаласының штаттан тыс бас балалар нейрохирургы Марат Рабандияров тұр. Ол бағдарлама аясында біз Өскемендегі ана мен бала орталығында бірнеше рет болдық, бірінші кезеңде церебральды сал ауруы бар балаларға операция жасадық. Екінші кезең – эпилепсия хирургиясының дамуы. Операция біздің пациенттерге толық сауығудың әсерін тигізбесе де, олардың өмір сүру деңгейін едәуір арттырады, ұстамалардың саны мен ауырлығын төмендетеді, — деп атап өтті Алматы қаласының екінші қалалық балалар клиникалық ауруханасының балалар нейрохирург-дәрігері Азамат Жайылғанов.
Мастер-класс шеңберінде нейростимулятор 10 айлық нәрестеге, бес және алты жастағы балақайларға орнатылды. Операциялар сәтті өтті және ана мен бала орталығы дәрігерлеріне осындай процедураны қажет ететін кішкентай науқастарды уақытында анықтау әдістемесін үйретті.
-Әріптестерімізге шеберлікпен жүргізілген операциялары, жаңа білімдері мен дағдылары үшін алғысымызды білдіреміз, болашақта біздің бөлімше базасында осындай оталар жасайтын боламыз, жақын арада тағы бес балаға нейростимуляторлар орнатуды жоспарлап отырмыз. Осындай бір датчиктің құны 6,5 миллион теңге, біздің пациенттер үшін олар МӘМС шеңберінде әлеуметтік медициналық сақтандыру қорының желісі бойынша төленеді, — деді ШҚО ана мен бала орталығы нейрохирургия бөлімшесінің меңгерушісі Талант Арыстанбеков.
