Абай Құнанбайұлының 175 жылдық мерейтойына орай еріктілер тобы «Абай жолы» атты жаяу экспедициясын ұйымдастырған болатын. Бүгін олар Аягөз ауданына жетті, деп хабарлайды Altaynews тілшісі.

Аталмыш экспедиция 12 маусымда сағат 16:00-де Алматы қаласынан шықты. Құрамында 4 волонтер бар. Олар 1200 шақырымды бір айда жүріп өтуді көздеген. Бүгін, міне, межелі жерге де таяп қалыпты. Соңғы нүкте – Жидебай ауылы.

Бұдан кейін еріктілер тобы Абай мұражайын, Абай оқыған медреселер мен оның мекендеген жерлерін араламақ.

ШҚО-ға экспедиция 8 маусымда жеткен. Осы ретте олар жергілікті атқарушы органдар мен БАҚ өкілдерінен қолдау күтетіндерін жеткізіп отыр.

Айта кетсек, Мемлекет басшысы Қасым-Жомарт Тоқаев 2020 жылды «Еріктілер жылы» деп жариялаған болатын.