Шығыс Қазақстанда демалыс күндері қарлы бұрқасын соғады, деп хабарлайды Алтайньюс тілшісі.

– «Қазгидромет» облыстық филиалының ақпараты бойынша 9-11 қарашада ШҚО аумағының басым бөлігінде жауын-шашын мол түсіп, таулы аймақтарда қарлы бұрқасынға ұласады. Тұман түсіп, көктайғақ болуы ықтимал, – деп мәлімдеді ШҚО ТЖД.

Осыған байланысты құтқарушылар алыс сапарға шықпауға кеңес береді.

Сондай-ақ жолға шықпас бұрын, трассаның ашық-жабықтығы туралы мәлімет алуға болады. Республикалық маңызы бар жолдарға байланысты 26-28-08 (Қазақавтожол), облыстық маңызы бар жолдарға қатысты 57-42-52 (ОблШығысЖол) телефоны арқылы білуге болады.