Өскеменде көлік нөмірін ұрлаған бұзақылар, көлік иелерінен ақша талап еткен, деп хабарлайды Алтайньюс тілшісі ОСА-ға сілтеме жасап.

Полиция қызметкерлерінің айтуынша, ұрылар «құрықты» ресейлік нөмірі бар көлік иелеріне салған.

- Ұрылар көлік иелерінен нөмір үшін ақша талап етеді екен. Тіпті хат қалдырып кетеді екен. Қалада дәл осындай үш факті тіркелді, - дейді Өскемен Полиция басқармасындағылар.

Ұрланған нөмірлер қайтарылды. Қазір күдіктілерге қатысты сотқа дейінгі тергеу жұмыстары жүргізіліп жатыр.