Ашуланған әйел көшенің қақ ортасында басқа біреудің көлігінің терезесін шағып тастады, деп хабарлайды Алтайньюс тілшісі kolesa.kz сайтына сілтеме беріп.

Екі жүргізуші әйел әлденеге келіспей қалғанға ұқсайды. Бәлкім, кептелістен көз ашпайтын Алматыда жол ережесіне байланысты түсініспеушілік туындаған. Әлеуметтік желіде тараған бейнежазбадан көргеніміз, әйелдердің ашуланған біреуі екінші әйелдің көлігінің тұтқасын тартып, сыртқа шақырады. Алайда оппонентінің есікті ашпайтынына көзі жеткен ол, көліктің айнасын теуіп сындырып, терезе тазалағышты бұрап майыстырды.

Оқиғаны одан әрмен қарай суреттен көруге болады. Ашулы әйел мәшиненің терезесін өрт сөндіргішпен бір-ақ ұрып сындырған секілді.

Бұл оқиғаға байланысты құзырлы орган тарапынан әлі ешқандай түсініктеме берілген жоқ.