Бүгін өңір басшысы Даниал Ахметов Шығыс Қазақстан облыстық Ауылшаруашылық тәжірибе станциясының егіс алқаптарын аралап, күнбағыс, бидай және соя алқаптарын көріп қайтты, деп хабарлайды Алтайньюс тілшісі.

- Қазіргі уақытта аталмыш мекеме өз жетістіктерімен көңілімізді қуантады, - деді облыс әкімі Даниал Ахметов. - Шаруашылық дәнді-дақылдардың біздің өңірге бейім түрлерін өсіріп жатыр. Бүгінгі таңда тұқымды сонау Швейцариядан әкелеміз. Өзімізде өсірілген тұқымды сатып алсақ бізге бұл өте тиімді, он есе арзанға түсетіні белгілі.

Қазан айына қарай аграрлық сала қызметкерлерінің басын қосуды жоспарлап отырғанын айтқан өңір басшысы, бұл іске Александр Томошенко басқарып отырған шаруашылықтың да бір кісідей атсалысып, өз тәжірибесін бөліссе нұр үстіне нұр болатынын атап өтті.