Өскеменде алимент төлей алмай жүргендер үшін жұмыспен қамту жәрмеңкесі өтеді, деп хабарлайды Алтайньюс тілшісі.

Қалалық жұмыспен қамту орталығы мен ШҚО Жеке сот орындаушыларының өңірлік палатасы мұрындық болған жәрмеңкеге 20-ға жуық кәсіпорын қатысады. Алиментті жұмысым жоқ деп төлей алмай жүргендерге жұмыс ұсынылып, ал кейбірі тіпті қазіргі жұмыс орнын ауыстыра алады.

Жәрмеңке 22 шілде күні, Қазақстан көшесі, 55 мекенжайы бойынша С.Аманжолов атындағы ШҚМУ-дың 5-ші оқуғимаратында сағат 10:00-де болады.