Медицина қызметкерлері күні қарсаңында ШҚО дәрігерлері пәтер кілтін алды, деп хабарлайды Алтайньюс тілшісі.

– Сіздер адам баласын қандай қиын жағдайда да демеп, сенім мен үміттерінің үзілмеуі үшін күресесіздер. Тәуекелге бас тігетін кездеріңіз жиі. Осындай елеулі еңбектеріңізге зор алғыс айтамыз! Біз де сіздердің қызметтеріңіз дами түсуі үшін қолдан келгенді аянбаймыз, – деді аймақ басшысы Даниал Ахметов.

Жиында жекелеген дәрігерлер де, табысты еңбек еткен ұжымдар да марапатқа ие болды. Сонымен қатар ақ халатты абзал жандардың біразы «Сенім» атты денсаулық сақтау қызметкерлері кәсіподағының табыс етуімен пәтер кілтіне де қол жеткізді.