8 маусым күні Қазақстанда алғаш рет беттен шапалақпен ұру бойынша турнир өтеді. Турнир Павлодар қаласында ұйымдастырылып отыр, деп хабарлайды Алтайньюс тілшісі.

Бұл туралы Петропавловск.news сайтында жарияланып отыр.

Мұндай ерекше спорттық жарысты ұйымдастыру идеясы екі жас жігіттің ойына келген екен. Әділхан Шұқанов пен Сергей Швецтің айтуынша, беттен шапалақпен ұру бойынша турнирлер қазір танымал жарыстардың қатарына жатады. Алдағы уақытта олар бұл бастаманы іскерлік белсенділігі бар, табыс әкелетін кәсіпорынға айналдыруды жоспарлауда.

Турнирдің ережелеріне келетін болсақ, қойылатын талап қарапайым: қатысушылар 18 жастан қабылданады; қатысушыларға қарсыласы жарақаттанып қалмау үшін беттен алақанмен емес, саусақтармен ғана ұруға рұқсат етіледі; турнирдің өзі бес раундтан тұрады.

Сондай-ақ, турнирде міндетті түрде медициналық қызметкер де болады. Алайда, мұндай жарыстарда қатысушылар жиі жарақаттанбайтын көрінеді.

Айта кетсек, беттен шапалақпен ұру турнирін көршілес Ресейде өткен жылдан бері өткізіп келеді.