Мемлекет басшысы Қасым-Жомарт Тоқаев қазақ күресінен төрт дүркін Әлем чемпионы, жерлесіміз Айбек Нұғымаровты туған күнімен құттықтады.

Президентің құттықтауында «Құрметті Айбек Серікболұлы! Сізді туған күніңізбен құттықтаймын! Елімізде спорт саласының дамуына, оның ішінде қазақ күресінің әлемдік деңгейге көтерілуіне елеулі еңбек сіңіріп, халқымыздың ықыласы мен құрметіне бөленіп келесіз. Алдағы уақытта жоспарлаған арман-мақсаттарыңызға жете беруіңізге тілектестігімді білдіремін. Сізге зор денсаулық, ұзақ ғұмыр мен бақ-береке тілеймін!» делінген.

Айта кетейік, 3 маусым күні 32 жасқа толған апайтөс балуан бүгінде кезекті «Қазақстан барысы» республикалық жарысына соңғы дайындығын пысықтауда. Аталмыш дода бірер күннен кейін, дәлірек айтсақ, 8 маусым күні Нұр-Сұлтан қаласында өтетінін еске салайық.