Синоптиктер 25-26 мамыр күндері ауа райы қалай болатынын айтты, деп хабарлайды Алтайньюс тілшісі

«Қазгидромет» ақпаратына сүйенсек, алдағы күндері солтүстік және шығыс өңірлерде үсік жүреді.

– Республиканың оңтүстігінде күндіз ауа температурасы плюс 28…33  градусқа көтерілетін болса, солтүстік және шығыс облыстарда түнде -3 градусқа дейін суытады. Бұл Қазақстанның солтүстік аймағына Ресейдің еуропалық территориясының солтүстігінен және Оралдан суық ауа массаларының келуімен байланысты. Ал оңтүстік аймақтарға Орталық Азиядан жылы ауа массалары келеді, – деп жазылған «Қазгидромет» хабарламасында.