19 мамырда Таразда туын тіккен Ұлттық спорттан ел чемпионатының 3 күні өтіп жатыр.   Ашалап айта кетсек, бұл – ересектер арасында көкпардан – ХІХ, аударыспақтан – ХІХ, теңге ілуден – ХІІІ, жамбы атудан – V чемпионат. Бүгін көкпар бәсекесі бойынша топтық кезеңнің соңғы ойындары өтуде, деп хабарлайды Алтайньюс тілшісі.
Бірден естеріңізге сала кетейік, көкпардан 15 команда тартысқа түсіп жатыр.

А тобында – Ақтөбе облысының «Әлімата» командасы, Түркістан облысының «Құлагер» командасы, Нұр-Сұлтан қаласының «Астана» командасы және ШҚО құрамасы бар. 

В тобында – БҚО құрамасы, Атырау облысының «Нарын» командасы, Қызылорда облысының құрамасы және Маңғыстау облысынан келген «Адай ата» командасы. 

С тобында – Алматы қаласының құрамасы, Қостанай облысының құрамасы, Жамбыл облысының «Әулие ата» командасы мен СҚО құрамасы бар. 

Бүгінгі ойын кестесі төмендегідей:

Ақтөбе облысы – ШҚО - 9.00-10.00;

Түркістан облысы – Нұр-Сұлтан қаласы - 10.00-11.00;

БҚО – Маңғыстау облысы - 11.00-12.00;

Атырау облысы – Қызылорда облысы - 12.00-13. 00;

Алматы қаласы – СҚО - 14.00-15.00;

Қостанай облысы – Жамбыл облысы - 15.00-16.00;

Қарағанды облысы – Павлодар облысы - 16.00-17.00.

Сәрсенбінің сәтті күнінде алаңға бірінші болып шыққан ШҚО мен «Әлім ата» арасындағы кездесу аяқталып қойды.

Ойынның алғашқы кезеңінде шығыс жігіттері сәл абдырып қалды. Есеп ақтөбеліктердің пайдасына 2:1-мен аяқталған бұл кезеңде.

Екінші кезеңде екілене қыза түскен жерлестеріміз есе бермей кетті. Қортынды есеп 5:3. Жеңіс бізде!