Бүгіннен бастап ШҚО-да жылыту маусымы басталды. ШҚО әкімінің айтуынша, қатты отын тұйықтарда жеткілікті, деп хабарлайды Алтайньюс тілшісі.

Биыл жылы халықтың көмір сатып алуында ешқандай дүрлікпе болған жоқ. Екі тұйық қосымша ашылған. Бұл жұмыстар қазан айында да жалғаса бермек.

-        Қалалар мен аудандардың әкімдері, сондай-ақ облыстық ТҮКШ және энергетика басқармасының мамандары аудандардағы әлеуметтік нысандарды электр жылуынан қатты отынға ауыстыру мүмкіндігі тұрғысынан мұқият талдауы тиіс. Мұны қайда жасауға болатындығы және шығындар мөлшері туралы нақты техникалық-экономикалық негіздеме болуы керек. Мысалы, Катонқарағай ауданында 36 мектептің 32-сі электрмен жылытылады. Бір ай ішінде барлық ақпаратты дайындау қажет, - дейді облыс әкімі.