Күмбезі шыныдан. Семейде ерекше мешіт салынып жатыр
Семей ақпараттық орталығының мәліметінше, жаңа мешіттің құрылысы белсенді жүргізілуде. Демалыс күндері құрылыс алаңында болған қала әкімі Ермак Сәлімов коммуналдық мекемелерге , мешітке қажетті барлық инженерлік коммуникацияларды ұсыну мәселесін жақын арада шешуді тапсырды, деп хабарлайды Алтайньюс тілшісі.
Құрылыс компаниясының өкілі Тұрсын Тастекеев қала әкіміне ғимаратқа шыны күмбез орнатылатынын айтты.
- Бұл Күмбез мешіттің іші жарық болуына мүмкіндік береді , - деді Т. Тастекеев. - Алматыда осындай құрылымдарды шығаратын зауыт бар. Қазір біз келіссөздер жүргізудеміз.
Жоба бойынша 2700-3000 адамға есептелген мешіт мұнарасының биіктігі 37 метрді құрайды. Ғимараттың төменгі қабаттында қатымхана орналасып, мешіт алдында 700 көлікке арналған автотұрақ салынатын болады . Сондай-ақ жаяу жүргіншілерге арналған арнайы көпірлер бой көтереді.
Жоспар бойынша нысан 2020 жылдың жазында пайдалануға беріледі. Мешіттің құрылысы 2008 жылы басталып , әр түрлі себептермен соңын дейін жетпеген болатын. Тәстекеевтер әулетіне тиесілі құрылыс компаниясы жеке қаражаттарын игі іске жұмсап, құрылыс жұмыстарының қайта жандануына мұрындық болып отыр, деп хабарлады ақпараттық орталық мамандары.