Журналист Руслан Меделбек өзінің Фейсбуктегі парақшасына 420 мың теңгемен (шамамен 1000 еуроға) қалай Еуропаның бес елін аралауға болатынын жазады.

- Негізгі шарт - сапарға үш ай бұрын дайындалу керек. Сонда билет бағасы арзан болады. Бес елді аралау үшін кем дегенде 15 күн керек, дейді ол.

Мысалы, бүгін үш-төрт айдан кейін, яғни тамызда 15 күндік Еуротур жасаймын деп шештіңіз делік. Енді шығынды есептейік:

*Виза мен сақтандыру - 40 мың теңге.

*Алматы-Стамбул-Прага ұшақ билеті - 140 мың теңге. Жолай Стамбулға бір күн қалып, аралауға болады.

*Прага - Амстердам - Париж - Рим не Венеция - Прага low cost ұшақ билетінің құны үш ай бұрын алсаңыз - 70 мың теңге. Саяхатқа арқаға асатын бір рюкзакпен келу керексіз. Артық жүк - артық ақша.

*15 күнге түрлі хостелдерден 4000  теңгеге жатар орын табуға болады. Шамамен 60 мың хостелге кетеді.

*15 күн бойы супермаркеттен/арзан орындардан тамақтанып, ақша үнемдеуге болады. Ол кезде азыққа шамамен 50 мың теңге кетеді.

*Қала ішінде қоғамдық көлікке/әуежайдан қалаға жету үшін билетке 15 күнге асып кетсе 60 мың теңге кетеді. Жазда күн жылы, қаланың көбін жаяу аралауға болады.

Енді есептейік: 40+140+70+60+50+60 = 420 мың теңге. 

Саяхатта музей, көрмелерге кірмейміз, тек walking tour. 

Түркия - Чехия - Нидерланд - Франция - Италия сапары = 420 мың теңге.

Ай сайын айлығыңыздан 35 мың теңгені банкке салып отырыңыз. Бір жылда 420 мың теңге жиналады.

Нидерланды, Франция, Италия Еуропадағы қымбат елдер саналады. Ал бір-біріне жақын орналасқан Чехия, Австрия, Германия, Польша, Венгрия сынды елдерді аралаймын десеңіз 350 мың теңге жеткілікті.

Виза жағынан кеңес керек болса, кемектесе аламын.

Сапарыңыз сәтті болсын!

Руслан Меделбектің  Фейсбук  парақшасынан