Қазақстанның эколог мамандары ауаға шар ұшыруға тыйым салуды сұрап отыр, деп хабарлайды Алтайньюс тілшісі.

Олардың айтуынша, шарлар қоршаған ортаға үлкен қауіп төндіреді екен. Себебі, шар жасалатын материал – латекс бірнеше жыл бойы ыдырайды екен. Оның үстіне, кейбір жануарлар шарларды тамақ екен деп жеп қойып жатады. Ал құстар шардың жіптері мен ленталарына оралып қалуы мүмкін.

Әлемде бірқатар елдерде, оның ішінде АҚШ, Ұлыбритания, Австралияның кейбір аймақтарында шар ұшыруға тыйым салынған.