Наурыз мейрамының форматын өзгертуді мәдениет және спорт министрі Арыстанбек Мұхамедиұлы ұсынып отыр, деп хабарлайды Алтайньюс тілшісі.

Министрдің ойынша, бұл мерекеде балалар басты назарға алынуы тиіс.

- Наурыз мейрамы жалпықазақстандық сипатқа ие болуы керек. Біз оны қазір қалай тойлаймыз? Көшеге шығамыз, біраз серуендейміз. Ал балалар назардан тыс қалып қояды, - деді министр парламент отырысында.

Арыстанбек Мұхамедиұлы оқушылар мен студенттерге наурыз айында демалыс беруді алға тартып отыр.  Ол күнтізбелік Жаңа жылды мысалға келтіріп, Наурыз мейрамы кезінде балалар оқуда болғандықтан, мерекелік көңіл-күйде болмайтынын атап өтті.