Энергетика министі Болат Ақшолақов қай өңірдегі жылу электр орталықтары қатер аймағында екенін айтты.

Министрдің сөзінше, 19 ЖЭО қызыл аймақта, яғни қатер аймағында тұр. 11 ЖЭО сары аймақта болса, 7 ЖЭО ғана жасыл аймақта тұр, деп хабарлайды Altaynews тілшісі.

«Қызыл аймақтағы жылу электр орталықтары үшін келесі күзгі-қысқы кезеңде тәуекелдерді азайту мақсатында негізгі жабдыққа күрделі жөндеу, реконструкциялау жүргізу көлемі айқындалды. Алдын ала деректер бойынша, бұл жұмыстарды орындау үшін 182 миллиард теңге көлемінде қаржыландыру керек», - дейді Ақшолақов Үкімет отырысында.