Теннис орталығында жоғары деңгейдегі жарыстар өткізіліп жүр - Өскемен
Өскеменде шамамен бір жыл бұрын ірі спорт нысаны ашылды – үстел теннисі орталығы. Бұл спорт бағытын дамыту бойынша үлкен жоспарлар осы алаңмен байланысты болды.
Өскемендегі үстел теннисі орталығында қазір 400-ден астам адам жаттығады. Орталық жоғары деңгейдегі жарыстар үшін толыққанды алаңға айналды, деп хабарлайды Altaynews тілшісі.
Қала әкімі Жақсылық Омардың айтуынша, осы уақыт аралығында көп нәрсеге қол жеткізілді.
- Қазірдің өзінде орталықта 400-ден астам адам жаттығып жүр. Бір жыл ішінде орталықтың тәрбиеленушілері 13 республикалық және халықаралық турнирлерге қатысып үлгерді, - дейді әкім.
Сондай-ақ ол биылдан бастап орталық базасында жоғары дәрежелі қазақстандық және шетелдік жаттықтырушыларды тарта отырып, облыстық команданың жиындарын тұрақты түрде өткізу деген жоспарларымен бөлісті.
- Орталық жоғары деңгейдегі жарыстар үшін толыққанды алаңға айналды деп айтуға болады.Үстел теннисі орталығының базасында Қазақстан Республикасының Жастар Чемпионаты өткізіліп, оған 14 облыстан 240 спортшы қатысты, сондай-ақ ардагерлер арасында үстел теннисінен Қазақстан Республикасының Чемпионаты өтті. Одан бөлек, Шығыс Қазақстан облысының бес Чемпионаты, төрт қалалық турнир, жалпы білім беретін мектептер арасында Шығыс Қазақстан облысының Спартакиадасы өткізілді. Қалалық және мектеп лигалары қайта жанданды, - деді шаһар басшысы.
Оқи отырыңыз
