Мектепке жол: ШҚО-да 240 бала мектеп формасымен қамтамасыз етілді
ШҚО-да аз қамтылған, көпбалалы отбасылардан шыққан және ата-анасының қамқорлығынсыз қалған балалар мектеп формасымен, аяқ киім және қажетті оқу құралдарымен қамтамасыз етілді.
"Мектепке жол" акциясының алдын ала қорытындысы бойынша, 240 оқушы 9 миллион теңгеден астам сомаға мектеп формасымен, 170 оқушы миллион теңгеден астам сомаға жаңа аяқ киім және 1008 балаға 15 миллион теңгеден астам сомаға сөмке, оқу-құралдарымен қамтылды, деп хабарлайды Altaynews тілшісі.
– Аталмыш акцияға кәсіпкерлер, шаруа қожалықтарының иелері және өңірдің қарапайым тұрғындары да қатысты. Мәселен, Күршім ауданында өткен жылдардың түлектері мектепке спорттық құрал-саймандар, музыкалық аспаптар мен командаларға арналған спорттық форма сатып алып берген, – дейді облыстық білім басқармасының басшысы Инесса Чернышева.
Сондай-ақ өңірде тағы 595 отбасы балаларды мектепке дайындау үшін қаржылай көмек алды. Оның жалпы сомасы 5 миллион теңгені құраған.
Жаңа оқу жылында облыста 343 білім ордасы 98 мыңнан астап оқушыны қабылдамақ.
Оқи отырыңыз
ШҚО-да көп балалы және аз қамтылған отбасынан шыққан балалар мектеп формасымен қамтамасыз етілдіӨскеменде 6 мыңға жуық бала мектеп формасын тегін аладыБалаларға көмек көрсеу үшін 2 миллиард теңге бөлінген – ШҚОШығыс Қазақстанда "Мектепке жол" акциясы басталдыШҚО-да 10 мың бала бірінші сыныпқа барады
