«Азаматтарға арналған үкімет» мемлекеттік корпорациясының ШҚО бойынша филиалы өңірдегі ең танымал есімдерге рейтинг жасады.

Үздік бестікке Айкөркем, Айбибі, Көзайым, Ульяна, Муслима есімдері енді. Ер есімдер тізімінде Ислам, Хангелді, Хантөре, Хамза, Марк есімдері бар, деп хабарлайды Altaynews тілшісі.

Бүгінгі таңда баланың туу туралы куәлігін алуға өтінімді онлайн режимінде беруге болатынын еске саламыз. Ағымдағы жылдың басынан бері ШҚО-да барлығы 30 мыңнан астам құжат берілді.Оның ішінде ресімдеуге 4 мыңнан астам өтінім проактивті форматта берілді. Егер өткен жылмен салыстырсақ, проактивті өтінімдер саны екі есеге артқан.

Естеріңізге сала кетейік, 1 шілдеден бастап АХАТ бөлімдерінің функциялары «Азаматтарға арналған үкімет» мемлекеттік корпорациясына берілді. Неке қиюды тіркеу туралы өтініштерді қабылдау және өңдеу, сондай-ақ шешім қабылдау және нәтижелерді беру әлі де АХАТ қызметкерлерімен жүзеге асырылады.