ШҚО полицейлері балаларды базарлықпен қуантты
ШҚО полицейлері облыс орталығының кішкентай тұрғындарына ғажайып жаңажылдық мереке сыйлады.
Өскемендегі ең ірі сауда орталығында тәртіп сақшылары нағыз көрініс жасады, деп хабарлайды Altaynews.kz тілшісі.
Ең жаңа полиция көліктері, сүйікті мультфильм кейіпкерлері, театрландырылған квест қойылымдары, түрлі ойындар, көңілді жарыстар, керемет музыка және би, барлығы сауда орталығының үш қабатында болды.
Қойылымдардың әрқайсысы бір жағынан балалық шақтағы қауіпсіздік тақырыбымен астасып жатты.
Кішкентай бүлдіршіндер де назардан тыс қалмады, полиция қызметкерлері оларға арнап сабын көпіршіктері шоуын дайындады.
- Біз балаларға жаңажылдық сиқырдың бір бөлігін сыйлағанымызға және олардың көздерінен шынайы эмоцияларды көргенімізге қуаныштымыз. Жаңа 2024 жылы барлық тілектеріңіз орындалсын. Бақытты балалық шақ тілеймін! - деп атап өтті ШҚО ПД бастығы, полиция генерал-майоры Ерлан Омарбеков.
Квест соңында балаларға қатысқаны үшін тәтті кәдесыйлар мен медальдар табысталды, сондай-ақ олар ұмытылмас эмоциялар алды.
Оқи отырыңыз
