Шомылу орындарында қауіпсіздікті қамтамасыз ету үшін құқық қорғау органдары, құтқарушылар және жедел жәрдем қызметкерлері кезекшілік ететін болады, деп хабарлайды Altaynews.kz тілшісі.

Жыл сайын 18 қаңтардан 19 қаңтарға қараған түні православие христиандары діни мерекені - Крещение Господне рәсімін тойлайды.  Дәстүр бойынша Өскеменде сенушілер қасиетті суға шомылатын екі орын дайындалады.
            
     

 Қуатбек Кенжебекұлы халықты медициналық құтқарушылар бар жабдықталған купельдерде ғана шомылуға шақырды.

ШҚО ТЖД мәліметі  бойынша купельдердің жанына жергілікті атқарушы органдар баспалдақтар, қоршаулар орнатады, жарықтандыру және жылыту шатырлары ұйымдастырылады. Сүңгуір құтқарушылар шұңқырларға қауіпсіз кіріп-шығуды қамтамасыз етеді.
      Құтқарушылар сондай-ақ шомылуға бара жатқанда, процесс мүмкіндігінше аз уақыт алуы үшін киім жылдам шешіліп-киінетіндей болуы керек екенін атап өтті. Айтпақшы, қарда жалаң аяқ қалмас үшін жылы төсеніш, сүлгі және ыстық шай алған дұрыс болады. Шомылудан бұрын жылыну, денені қыздыру керек. Тоғанға ыңғайлы, тайғақ емес және оңай шешілетін аяқ киіммен жақындау керек. Ми тамырларының тарылуын болдырмау үшін басыңызды суламай, мойынға дейін  батырған дұрыс. Балаларды шомылуға тек ата-аналарымен ғана рұқсат етіледі. Судан шыққаннан кейін сүлгімен сүртініп, ыстық шай ішіңіз. Алкоголь тийым салынады. Созылмалы аурулары бар азаматтарға суға түсу өте қауіпті екенін ескертті. 

Өңірде барлығы 19 шомылу орны анықталды: Өскемен қаласы-2, Риддер қаласы — 3, Алтай ауданы — 4, Күршім ауданы – 1, Катонқарағай ауданы — 1, Ұлан ауданы-2, Глубокое ауданы — 3, Шемонаиха ауданы — 3.

           "Қазгидромет" РМК синоптиктерінің болжамы бойынша шомылдыру рәсімінен өткен түнде облыстағы ауа температурасы 25-тен 33 градусқа дейін өзгереді. 

Айна Ескенқызы