ШҚО-да тағы да "қар көшкіні" болды
Фото: ШҚО ТЖД
Шығыс Қазақстан облысында құтқарушылар қауіптің алдын алу үшін қар көшкінін жүргізді, деп хабарлайды Altainews.kz тілшісі.
«Қазселденқорғау» ШҚ филиалының мамандары мониторинг жасап, «Өскемен-Алтай-Үлкен Нарын-Катонқарағай-Рахман қайнары» тас жолының бойында қардың қалыңдығы бір метрге жуықтағанын анықтаған. Сол себепті профилактикалық әрекетке көшкен.
«Жол бойындағы беткейлерде 4 рет жарылыс жасалып, 4700 текше метр қар түсірілді. Бұл кезде көлік жолын қар жарым-жартылай жауып қалған еді. Алайда жол қызметтері учаскені дереу тазартты», - деп мәлімдеді облыстық төтенше жағдайлар департаментінің баспасөз қызметі.
Осымен биыл өңірде 44 "қар көшкіні" болғанын айта кетейік.
Оқи отырыңыз
