Жас мамандарға жұмыс табылғанымен, баспана болмай тұр.

Самар ауданының жастары өзекті мәселелерді ортаға салды, деп хабарлайды Altainews.kz сайты.

Жуықта ШҚО қоғамдық даму басқармасының жастармен және азаматтық қоғам институттарымен жұмыс бөлімінің басшысы және облыстық «Жастар ресурстық орталығының» директоры Самар ауданының жастарымен кездесті. Жиын барысында ауылды жерлерге жас мамандарды тарту, қолдау көрсету мәселесі талқыланды.

Тағы бір ауыл тұрғыны Самар ауылында жастардың бос уақытында баратын орынның жоқ екендігін айтып қалды.

Айта кетейік, Самар аудандық Жастар орталығы әкімдік ғимаратында орналасқан. Бұл ауыл жастарының орталыққа емін-еркін келіп-кетуіне кері әсерін тигізуі мүмкін.

Жиын барысында мемлекет тарапынан жастарға арналған 2,5% жеңілдетілген несие беру тәртібін жетілдіріп, қаражат көлемін арттыру мәселесі де талқыланды.

Қоса кетейік, жас мамандар «Жастар іс-тәжірибесі» бағдарламасы және «Алғашқы жұмыс орны» бағдарламасы бойынша жұмысқа орналаса алады. Бұған 35 жасқа дейінгі жастар қатыса алады. Бір ерекшелігі, жұмыс беруші де қосымша ақша төлейтін болады.

Облыстық жастар орталығының басшысы ауданда жастар ұйымын құруды тапсырды.