– Осыған дейін еріген қар суының салдарынан Боран-Зайсан бағытындағы жол қатынасы жабылған. Бұған дейін Боран ауылының 13 оқушысы мен мұғалімі дыбыс жазу студиясында жұмыс істеу үшін Зайсан қаласына барып, қайта алмай қалған еді. Сол кезде Зайсан ауданының әкімі Аэлита Ахметсәлімқызының қолдауымен оқушылар Дәуленов атындағы интернат-үйіне орналасып, оларға барлық жағдай жасалды. Сондай-ақ, Күршім ауданы әкімдігі Қалжыр, Тақыр ауылдарын қар суынан қорғау бойынша дайындық жұмыстарына көмектесті. Қазір де көрші аудандар мен аудан тұрғындарының көмегімен су тасқынына қарсы жұмыстар жалғасуда. Жалпы Марқакөл ауданы назардан тыс қалып жатқан жоқ. Ауданымыз қиын жағдайда қалғанда облыс әкімі бірнеше рет келді, қажетті көмек көрсетілді. Қай уақытта болмасын «ОблШығысЖол» кәсіпорны техника жағынан көмектесіп келеді. Зайсан ауданы да арнайы техникамен көмектесті, – дейді Марқакөл ауданы әкімінің міндетін атқарушы Рүстембек Кемешев.