Туған жерге деген перзенттік тағзым әрбірінің адами борышы. Елі мен жеріне деген сағыныш, ұрпақтар сабақтастығының әдемі үйлесімі Талғат пен Саят Өмірбековтердің бастамасымен ұйымдастырылған жарыста сезіліп тұрды.

Білім мен өнердің додасында Аягөз ауданының оқушылар бақ сынап, білгендерін ортаға салды. Оқ бойы озық шыққандар лайықты марапатқа да ие болды. Мысалы, Физика-математика пәндері бойынша ІІІ дәрежелі дипломмен марапталғандарға 10 мың, ІІ дәрежелі дипломмен марапатталғандарға 20 мың, І дәрежелі дипломмен марапатталғандарға 50 мың теңге қаржылай сыйлық берілді. Сондай-ақ дипломға ие болған 9 оқушыны айтулы дәрежеде даярлаған ұстаздарға да 10 мыңнан сыйлық берілді. Домбыраның құлағында ойнайтын жас өрендер де қанжығаларына 10 мың теңге байлады.