Қазақстандық консервілерден зиянды заттар табылған
Ресей елінің ветеринарлық және фитосанитарлық бақылау бойынша федералды қызметі (Россельхознадзор) қазақстанның бес кәсіпорнының өнімінен ветеринарлы-санитарлық талаптардың бұзылуын анықтады, деп хабарлайды Алтайньюс тілшісі мекеменің баспасөз қызметінің ақпаратына сілтеме жасап.
Қазақстандық компания - "J. F. M. company" ЖШС өндірген машабақ консервілерінен зиянды, тыйым салынған зат – бензапирен табылған екен. Осыған байланысты 29 қыркүйектен бастап бұл кәсіпорынның өнімдерін Ресей аумағына таратуға уақытша шектеу қойылып отыр.
Сондай-ақ, аталмыш қызмет тағы бірқатар қазақстандық кәсіпорындардың өнімдеріне қатысты зертханалық бақылауды күшейткен:
"Кублей" ЖШС – ет консервілерінен кадмий табылуына байланысты.
"Ижевский" ҚК – құс етінен листерий табылған.
"Арай-East Food" ЖШС – ет-шұжық өнімдерінің шикізат құрамы сәйкес емес ("Говяжья зернистая халяль").
"Кузмич" ЖШС – балықтан листерий табылған.