Қазақстан осы жылдың қазан айына дейін Қытайға 5 млрд куб газ жөнелтеді
Қазақстан осы жылдың қазан айына дейін Қытайға 5 млрд. куб газ жөнелтеді. Бұл ақпаратты, «ҚазМұнайГаз» ұлттық компаниясының басқарма төрағасы Сауат Мыңбаевқа сілтеме жасай отырып, «Интерфакс-Қазақстан» таратты, деп хабарлайды Алтайньюс тілшісі.
– Газды экспорттау «ҚазМұнайГаз» компаниясына пайда әкеліп қана қоймай, ішкі нарықтағы газды жеткізуге байланысты шығындарды жабады. Осылайша газ тасымалдау ісінің барлық шығынының орнын 2030 жылы емес, 2023 жылы-ақ толтырмақпыз, – деген екен Сауат Мыңбаев «Қазақстанская правда» газетіне берген сұхбатында (Сұхбат газеттің сәрсенбі күнгі санында шықты).
Баршаға мәлім, Қытайға газды экспорттау ісі 2017 жылы басталып кеткен болатын. Шамамен, одан 1 млрд. доллар пайда түседі деп күтілуде. Биыл 5 млрд. куб газ экспортталса, бұл сан келер жылы 10 млрд. кубқа жетеді екен.