Жарма ауданының орталығы Қалбатау ауылында Астана қаласының 20 жылдығына арналған салтанатты іс-шара өтті, деп хабарлайды Алтайньюс тілшісі.

Салтанатты шара  «Ауылым – айдын шалқарым» фестивалінің гала-концертіне ұласты. Бұл мәдени шара аудандық мәдениет және тілдерді дамыту бөлімінің ұйымдастыруымен мамыр айында қолға алынған болатын. Биыл екінші мәрте өтіп отыр.

Жарма ауданының әкімі Нұрлан Бәтташұлы осы фестивальде жүлдегер атанған ауылдық округ ұжымдарын, мекеме, ұйым өкілдерін де арнайы дипломмен, бағалы сыйлықтармен марапаттап, концерттің құрметті қонағы ретінде Эквадордан келіп өнер көрсеткен фольклорлық ансамбль мүшелеріне алғыс білдірді. Гала-концерт соңында атаулы мерекеге орай отшашу шашылып, соңы жастардың би кешіне ұласты.