4-13 маусым аралығында Шығыс Қазақстанда республикалық пленэр өтеді. Оған еліміздің алты қаласы – Алматы, Павлодар, Қарағанды, Шымкент, Өскемен және Семейден суретшілер қатыспақ.

Экспозициялық-көрмелік сектор маманы Лариса Мартынованың айтуынша, облысымызға келген суретшілер Төменгі Тайынты және Шыбынды көлге, «Көктау» демалыс базасына жеткізіледі. Олар осы жерде этюдтермен жұмыс істеп, мастер-класс өткізеді.

-Біз бұрын да Абай ауданындағы Еңлік-Кебек үңгірінің жанында пленэр ұйымдастырған едік. Ол кезде суретшілер этюдтердің негізінде сюжеттік жұмыстары орындаған болатын. Ал осы жолы біз этюдтер көрмесін ұйымдастырамыз, - дейді Лариса Мартынова.